Бетті ағартудың жолдары!
Көп қыздың бетіне қара, қоңыр дақтар шығып кетеді. Оны қалай кетіру керек екенін және бетті ағартудың бірнеше жолын айтамыз.
Бетімізге шығатын секпіл, дақтарды кетіріп, теріні ағартуға көмектесетін бірнеше масканың жасалу жолын ұсынамыз:
Әдетте дақтар күн сәулесінің әсерінен шығады немесе тұқым қуалап беріледі. Асқазан ауырса да шығуы мүмкін. Секпіл, дақтарды кетіру үшін әртүрлі косметикалық құралдар бар. Дегенмен олардың көбі әрі қымбат, әрі пайдасыз. Сол себепті алдымен өзіңіз маска жасап, кетіруге тырысып көріңіз.
Ақжелкен маскасы
Ақжелкен шөбін үгітіп, таза бетке жағыңыз. Жарты сағаттан кейін жуып, ылғалдандырушы иісмай жағып қойыңыз. Ақжелкен теріні ағартып, жұмсақ етеді.
Ақжелкен мен кілегей маскасы
Бұл маска құрғақ теріге арналған. Үгітілген ақжелкенді кілегей немесе қаймақпен араластырыңыз. Бетке жағып, жарты сағаттан кейін жылы сумен жуып тастаңыз.
Лимон қабығының маскасы
Лимон қабығын жарты сағат суға салып, қайнатыңыз. От бәсең болуы керек. Уақыт өткеннен кейін тұндырып қойыңыз. Бұл қоспа – табиғи тоник. Онымен күніне үш рет бетіңізді сүртіп тұрыңыз.
Лимон мен крахмал маскасы
Жарты ас қасық картоп крахмалын лимон шырынымен араластырыңыз. Қоспаны бетке жағып, жарты сағаттан кейін жылы сумен жуып тастаңыз. Егер бетіңіз қызып бара жатса, бірден жуып тастауыңызға болады.
Жеміс шырыны
Бетке грейпфрут, киви, апельсин мен құлпынай шырынын жағу пайдалы. Ол теріні ағартып, жұмсақ етеді. Жемістердің құрамындағы С дәрумені бетті нәзік қылады. Сол себепті, жеміс-жидек жеп тұруды да ұмытпаңыз.
Ашытқы маскасы
¼ бума ашытқыны 1 ас қасық лимон мен 1 ас қасық сүтпен бір тұтас қоспа болғанынша араластырыңыз. 10 минутқа жылы жерге қойыңыз. Масканы бетке жағып, 20 минуттан кейін жылы сумен жуып тастаңыз. Бұл маска майлы бетке арналған.
Бүрген шырыны
Бүрген шырынын біраз уақыт мұздатқышқа салып қойыңыз. Күніне үш рет бетіңізді сол мұзбен сүртіп тұрыңыз. Ол бетті ағартып қана қоймай, бөртулерді кетіруге де көмектеседі.
Қырмызы маскасы
Өсімдікті үгітіп, бетке жағып қойыңыз. Жарты сағаттан кейін жуып тастаңыз. Қырмызы беттегі кішігірім жараларды емдеп, терінің түсін біртегіс етеді.
Беттегі дақтарды кетіретін сутек тотығының негізіндегі қоспаларды қолданыңыз. Алайда оларды пайдаланғанда абай болу керек. Сутек тотығы құрғақ, сезімтал теріні зақымдауы мүмкін.